وصفات سهلة و مجربة
🎀 وصفة #تكبير_الصدر_والطرماحة 🎀
كيفما قلت ليكم هادي وصفة ما فيها لاحمري لا حتا حاجة فيها سيري عند العطار قولي ليه يعطيك السالمية وعرق السوس وحب رشاد وزريعة البسباس 20 درهم تشري ليك هادشي ويشيط صرف شري بولو هه جي لدار شدي قرعة ديال الزاج قياس 2 كيسان دلما خاصة بيك ديري فيها شوية من لحاجة وسخني لما وخويه عليه وسدي لقرعة مزيان خلي وخوي في كاس غاتلقااي كلشي طلق وشربي راا بنين وعاودي سخني لمااا وزيدي عليه بحال صاوبتيه في الصباح في العشية و هاكدا فهمتو وملي تحسو بدوك اعشاب تقاادو الجهد ديالهموم بدلوهم بنفس طريقة مشروب سحري هرمون الاستروحين الهرمون المسؤول علي معالم الأنوثة يعني طرماحة والصدر ولحنيكات كاتولي فصالتك سيكسي لبنات ملي تكون فيكم الغيكل ماتشربوش هاد مشروب تفوتك ورجعي شربية عادي تولفوه ههه
بنسبة #للحبوب كيف قولت ليكم فاول وصفة تاع السمورية خاص الوجه يتغسل قبل النعاس وفاش تفيقي قبل متنعسي باش تحيدي كاع الوسخ والغبرة لي على وجهك وفاش تفيقي باش تحيدي دوهون لي كيكونو فيه حيت داكشي لي كيدير الحبوب
غادي تجيبي شوية تاع الحليب دافي وديري قبيصة تاع القرفة وديريه لوجهك ومن بعد غسلي
وكاينة تاني وصفة تاع ماطيشة مانمشي ماتجي معاه قطعي نص تاع ماطيشة وبقاي دوزيه على وجهك من بعد غسلي
🎀 وصفات #للشعر 🎀
التساقط عليك بالتومة اقسم بالله حتى كونت غنقراع كون مادرت التومة كاين لي كيديرها فالزيت كيشقق بيها شعرو قبل الحمام وانا كنت كتحكها فالنص كاس تاع الماء وكنشقق بيها شعري قبل الحمام ونقصاتلي تساقط بزاااااف وحتى البصلة الحمرة حكيها وشققي بيها شعرك كتحبس التساقط
🎀 #للتكتيف_الشعر 🎀
جيبي فالفلة حلة وقطعيها رقييييقة فجوج كيسات تاع الزيت العود صغار وديرهم فشي قرعة تاع السيرو متكونش كدخل الضو وخبيها سيمانة وحيدي داك الفلفة الا بغيتي والا مبغيتيش طحنيها وخليها فيه وشققي بيها شعرك قبل الحمام
🎀 #لمعان_الشعر 🎀
جيبي بيضة بلدية وجوج معالق زيت عود ومعلقة عسلة وديريها لشعرك وتشوفي فاش تغسليه كيبقى يبري ولله
وجيبي نيسكافي وديريها فالماء حتى تغسلي شعرك وشللي بيها كتحيد اي ريحة خايبة وكتخلي الشعر يلمع
🎀 #للقشرة 🎀
خل التفاح ديريه فالماء وشلللي بيه شعرك
🎀 #الكرش 🎀
وصفة ازالة الكرش غادي تجيبي دانون مسوس وتجيبي حامضة وتقطعي نص تعصريه وسط دانون ديري شوية تاع العسل معاه وكوليه بالمداومة الكرش كطييييييير ومتبقايش تعشاي كولي مع العشية وصافي الماكلة والنعاس هي لي كدير الكرش
🎀 وصفة لي ترطيب وتبييض #اليدين_والرجلين 🎀
كتجيبي معلقة خميرة معجونة ومعلقة تحميرة كبيرة وجوج نقيطاط تاع الدوا الحمر جوج نقيطات سيري ديري معلقة ترجعي بحالا دابحة 😂😂 وصابون البلدي وشوية تاع الزعفران عود مطحون خلطي كوولشي ودهني دوك رجيلات وديريهم فميكة والبسي التقاشر هادشي قبل متمشي للحمام ودهني يدياتك وديري ليكات وفاش تغسلي وتسالي وتحكوهيم غتلقايهم غوز ورطبيييين واعرين ولله ودعي ليا الخايبة
وبحال ديمة بصحتكم وراحتكم 😍😍 وحتا نتوما غزالاتي لي عندها شي وصفة مجربة تفيد بيها بنات متخليهاش عندها عاونو بعضياتكم المسمومات 😂😂😂
🎀 وصفة #سمورية_الوجه_والعنق 🎀
معلقة نيدو معلقة روز تاع الروز مطحون
معلقة تاع الماء تاع بطاطا خلطي كلشي وطلي وجهك وعنقك وخليه فاش ينشف بداي تغسلي وديري كوماج فالنفس الوقت ديري شوية تاع الماء حتى يرطاب وبقاي حكي وجهك بشوية دامي عليها غتبان ليك النتيجة ف سيمانة وديما خسلي وجهك بالماء الفاطر ياعني غي دافي شويييية بعدي من الماء السخون للوجه راه خايب غسلي بصابون فاش تبغي تنعسي باش تحيدي كاع داك الوسخ لي جمع وجهك فالنهار كامل وفاش تفيقي غسليه حيت الوجه بالليل كيطلق واحد المادة والا خليتيها هي لي كدير الحبوب الا بقات على الوجه وبالنسبة للصابون غنعطيك صابون تقاديه فالدار غادي ترحمي عليا بيه كيرد الوجه مراية وكيحيد الحبوب جيبي جوج ربطات تاع المعدنوس غسليهم مزيان وديريهم فكاسرونة وطيبيهم وجيبي صابونة تاع الكف او الطويسة او المنجل وحكيها وطفي علي ورمي فيه الصابون خليه حتى يبدا يدوب ورميه فالطحان طحني كلشي وكبيه فشي سوبيرة وديريه فالتلاجة وبقاي ستعمليه غسلي بيه ماشي ديريه ماسك هاودني منك وتقدري تستعمليه للجسمك كامل ماشي غير الوجه 👍 ندوزو للوصفة التالية ناري الا بقيت كنشرح كل وصفة هاكة منسالي حتى لغدا 😂😂😂
🎀وصفة #للهالات_السوداء 🎀
جيبي بطاطة وغسليها ونقيها وحكيها
ديريها فالتلاجة حتى تبرد وحطيها على عينيك وهاد الوصفة ولله حتى نفعاتني انا شخصيا كانو عندي بحالا شي مدمنة تاع الكوكايين 😂😂😂 ديريها على عينيك وتكاي وتكالماي ولله سمانة تبان ليك النتيجة وتقدري طليها لوجهك كله بطاطا مكتمشي مكتجي مع السمورية
ولي مكتعجبهمش الروينة خودي غير الماء تاعها وديريه فالقطن وحطيها على عينيك هادي طريقة للناس تاع البريستيج 😂
🎀 وصفة الشعر الزائد فالوجه والنقط السوداء 🎀
جوج معالق جيلاتين بودرة
جوج معالق فاخر مطحون مزيااااان بودرة معلقة صغيرة الزعفران عود
والحليب سخون للخليط
خلطي المواد الجافة وزيديهم الحليب الخليط يكون فحال عجينة البغرير وديريه وخليه حتى ينشف وحيديه راه كيحيد فحال الورقة مي خاص كل المواد يكونو بوودرة
🎀 وصفة #التبريمة_تاع_الحمام 🎀
غادي تجيبي الحنة عينك ميزانك يعني الا كنتي غليضة وهازا كتري كنتي بحال الكميشة ديري قياسك 😂😂
المهم الحنة والزعفران عود والدوا الحمر
والحامض
ديري سوبيرة ديري فيها الحنا زيدي الخرقوم ديري نقيطات تاع الدوا الحمر ونص حامضة عصريه وخلطي بالماء سخون وطلي عضيماتك وتكالماي شي 10 دقايق عاد تشللي وبداي حكي وفاش تخرجي غادي تصدمي من الرطوبية والبياض وتلقاي قاع رجيلاتك غوز وكفوف ايديك غوز ياسالام 😍😍 داومي عليها غادي تحيد ليك السمورية من جسمك
🎀 وصفة #الصفورية_تاع_السنان 🎀
كتجيبي شوية تاع سينيال تاع السنان وديري معاه شوي تاع الحامض وحكي سنيك وداومي غيبان ليك الفرق
ودري الفاخر مطحون مع سينيال وحكي بيه سنانك
وبنسبة للرائحة تاع الفم كتكون من اللثة واللحم تاع الاسنان هو للمريض كتشدي قشور الرمان وطبخيهم وديرهم فمك وخليهم واحد الشوية غادي يكمش ليك داك اللحم تاع السنين لي بعيد على السن وحيد ليك اي ميكروب
وديما ديري عود تاع القرونفل فمك حتى تمشي الريحة ومضغي قشور الليمون والنعناع كلشي هادشي كيعقم الفم
🎀 وصفة #تبييض_المنطقة_الحساسة 🎀
بنسبة للبنات لي كحالت ليهم المنطقة الحساس بقوة التكراط وجاكم الحبوب تم والحكة
اوووول سبب لكاااع هاد المشكل هو كتخليو تم فازك هو لي كيكحل وكيدير الحبوب ديما نشفي عاد لبسي حوايجك ودبما غسلي مزيان حيت البول والميكروب هو لي كيدير الحكة والا كانت عندك الافرازات المهبلية فيها الريحة خايبة جيبي جوج دراهم خزامة تبخيهم وصفيهم وغسلي بيهم يوميا غادي تلاحضي الريحة كتنقص حتى كتحيد وشري داك الفوطاط الصغار وشري طريف تاع المسك وديريه فالبلاستيك ورمي معاه شوية تاع الخزامة ورمي فيه دوك الفوطاط وبقاي ديريهم فالسليب كتبقى الريحة غزاااالة وحتى سليبك كيبقى نقي الا هبطو شي افرازات كيهبطو فالفوطة والا مكانتش عندك الامكانية باش تشريهم جيبي غي شي توب وقطعيه طريفات صغار وديريه
بالنسبة للكحولة دري كريم نيفيا كيرطب وكيبيض وريحتو زويينة مي داوميه 👑ودعيو معايا
