طرق العناية بالشعر

 الشعر متتغسلش بالما سخون تيتغسل بالماء البارد تماااما

الشعر متيتجمعش شفنجة اللور فالدار اولا لوقيتة دالنعاس الشعر تيتجنع الفوق عند الجبهة باش تيطوال و متيطيحش من القدام

الشعر متيدارلوش الديميلور مور الحمام تيدارليه نقيطة دزيت كوكو مع نقيطة فيتامين e

الشعر تيبغي ياكل بحال كرشك و عطيه الماسكات و باراكة من العكز

الشعر تيغضب الا نتفتيه فالمشيط

الشعر متيقواش الا قطعتيه هادي غير خزعبلات

الشعر متيتجمعش و هو فازك بالفوطة و لا الدرة راه تتكبرو فطريات بسبب الما اللي تيبقا فالفروة و تيدير الحكو و القشرة

الشعر راه تيموت بالصباغة

الشعر ملي تتديريليه الليسور راه بحال ملي تتخشي الخبز فبانيني تتشوطييه

الشعر خاصو البروتين .. على الاقل مرة فالشهر ديريليه ماسك البيض

الشعر محتاج للتغدية و الحماية و هادشي كاين فزيت الكوكو الا هداك الله و فهمتيها

الشعر تيبغي يتمشط بمشطة سنانها كبار ماشي رقاق باس متتجرحيش الجلدة

الشعر تيبغي مساج يومي باللحيمة دصبعانك و انتي حانية راسك التحت مدة ٥ دقايق باش تيطلع الدم للبصيلات دالشعر

الشعر تتعجبو الضفيرة و خاصة كرينات ضفيرة مرة مرة ديريهم راه تيطولو الشعر بصح

بس : قريتي خلي اب نشوفك 😄

#منقول