ﺩﺟﺎﺝ ﺑﻄﺮﻳﻘﺔ ﻃﻴﺎﺏ ﺍﻷﻋﺮﺍﺱ ﻛﺎﻳﺠﻲ ﺑﻨﻴﻦ ﺑﺰﺍﺍﺍﻑ
ﺍﻟﻤﻘﺎﺩﻳﺮ :
6 ﺩﺟﺎﺟﺎﺕ ( ﺍﻟﻜﻤﻴﺔ ﺣﺴﺐ ﻋﺪﺩ ﺍﻷﺷﺨﺎﺹ )
ﺍﻟﺘﻮﺍﺑﻞ
ﺍﻟﺴﻤﻦ
ﺍﻟﻘﺰﺑﻮﺭ ﻭﺍﻟﻤﻌﺪﻧﻮﺱ
ﺍﻟﺤﺎﻣﺾ ﻣﺼﻴﺮ
ﻭﻧﺘﻮﻣﺎ ﺑﺪﺍﻭ ﻏﻴﺮ ﺑﺪﺟﺎﺟﺔ ﻭﺣﺪﺓ
ﻃﺮﻳﻘﺔ ﺍﻟﺘﺤﻀﻴﺮ :
ﻧﻐﺴﻠﻮ ﺍﻟﺪﺟﺎﺝ ﺑﺎﻟﻤﻠﺢ ﻭ ﺍﻟﺨﻞ ﻭ ﺳﻜﻴﻦ ﺟﺒﻴﺮ ﻭ ﻧﺨﻠﻮﻩ ﺇﻳﺒﺎﺕ ﻓﻲ ﺍﻟﺘﺮﻗﻴﺪﺓ ﺩﻳﺎﻟﻮ ﺣﺘﻰ ﻟﻠﺼﺒﺎﺡ ﻭ ﻧﻐﺴﻠﻮﻩ ﻣﺰﻳﺎﻥ ﻭ ﻧﺤﻄﻮﻩ ﻳﺘﺴﻘﻄﺮ
ﺍﻟﺸﺮﻣﻮﻟﺔ :
ﻧﺤﺘﺎﺟﻮﻟﻴﻬﺎ 3 ﻣﻌﺎﻟﻖ ﻛﺒﺎﺭ ﺳﻜﻴﻦ ﺟﺒﻴﺮ
3 ﻣﻌﺎﻟﻖ ﺧﺮﻗﻮﻡ ﺑﻠﺪﻱ
ﻣﻠﻌﻘﺔ ﺻﻐﻴﺮﺓ ﻣﺨﻠﻄﺔ ﺑﺴﻴﺒﻴﺴﺔ ﻭ ﻗﻌﻘﻠﺔ ﻣﻄﺤﻮﻧﻴﻦ
2 ﻣﻌﺎﻟﻖ ﻛﺒﺎﺭ ﺳﻤﻦ
ﻣﻠﻌﻘﺔ ﻛﺒﻴﺮﺓ ﺇﺑﺰﺍﺭ
ﻣﻠﻌﻘﺔ ﺻﻐﻴﺮﺓ ﻗﺮﻓﺔ
ﺛﻮﻡ ﻣﺪﻗﻮﻕ ﺃﻧﺎ ﻛﻨﺪﻳﺮ 3 ﻓﺼﻮﺹ ﻟﻠﺪﺟﺎﺟﺔ
ﻗﺰﺑﻮﺭ ﻭ ﻣﻌﺪﻧﻮﺱ
ﻧﺼﻒ ﺣﺎﻣﻀﺔ ﻣﺼﻴﺮﺓ ﻣﻘﻄﻌﺔ ﺭﻗﻴﻖ
ﺷﻮﻳﺔ ﻣﻦ ﻣﻠﻮﻥ ﺁﺻﻄﻨﺎﻋﻲ
ﺍﻟﻤﻠﺢ ﻏﻴﺮ ﺷﻮﻳﺔ
ﺍﻟﻄﺮﻳﻘﺔ :
ﺗﻨﺨﻠﻄﻮ ﺟﻤﻴﻊ ﺍﻟﻤﻜﻮﻧﺎﺕ ﻣﻊ ﻛﺄﺱ ﻛﺒﻴﺮ ﻣﻦ ﺍﻟﻤﺎﺀ
ﺛﻢ ﻛﻨﺒﺪﺍﻭ ﻧﺮﻗﺪﻭ ﺍﻟﺪﺟﺎﺝ ﻓﻲ ﺍﻟﺸﺮﻣﻮﻟﺔ ﻭ ﺣﻨﺎ ﻛﻨﺪﺧﻠﻮﻫﺎ ﻣﺰﻳﺎﻥ ﻭ ﻧﺤﻜﻮﻫﺎ ﻣﺎ ﺑﻴﻦ ﺍﻟﻠﺤﻢ ﻭ ﺍﻟﺠﻠﺪﺓ ﻭ ﺃﻳﻀﺎ ﻭﺳﻂ ﺍﻟﺪﺟﺎﺟﺔ ﺛﻢ ﻛﻨﺮﺑﻄﻮ ﻟﻴﻬﻢ ﺭﺟﻠﻴﻬﻢ
ﻛﻨﺮﻗﺪﻭ ﺍﻟﺪﺟﺎﺝ ﺳﺎﻋﺔ ﺛﻢ ﻧﺰﻳﺪﻭ ﻋﻠﻴﻪ الماء الكافي ﻭ ﻧﺤﻄﻮﻩ ﺇﻳﻄﻴﺐ ﻋﻠﻰ ﻧﺎﺭ ﻣﻬﻴﻠﺔ
ﺣﺘﻰ ﻳﻐﻠﻰ ﻣﺰﻳﺎﻥ ﺛﻢ ﻧﻀﻴﻔﻮ 4 ﺑﺼﻼﺕ ﻣﺸﻠﻈﻴﻦ ﺭﻗﺎﻕ ﻭ ﻛﺄﺱ ﺯﻳﺖ ﻣﺨﻠﻂ ﺭﻭﻣﻲ ﻭ
ﺑﻠﺪﻳﺔ ﻭ ﻧﻘﻠﺒﻮ ﺍﻟﺪﺟﺎﺝ ﻋﻠﻰ ﻛﺮﺷﻮ ﻭ ﻧﺨﻠﻮﻩ ﻳﻄﻴﺐ ﻋﻠﻰ ﻧﺎﺭ ﻣﻬﻴﻠﺔ
ﻣﻨﻴﻦ ﻳﻄﻴﺐ ﺍﻟﺪﺟﺎﺝ ﻧﺠﻬﺪﻭ ﺍﻟﻌﺎﻓﻴﺔ ﺑﺎﺵ ﻳﺘﻨﻘﺺ ﺍﻟﻤﺮﻕ ﺛﻢ ﻧﺤﻴﺪﻭ ﺍﻟﺪﺟﺎﺝ ﻣﻦ ﺍﻟﻤﺮﻕ ﻭ ﻧﺤﻄﻮﻩ ﻓﻲ ﻻﻃﺔ ﻭ ﻧﺪﻫﻨﻮﻩ ﺑﺎﻟﺴﻤﻦ ﺍﻭ ﺍﻟﺰﺑﺪﺓ ﻭ ﻧﺪﺧﻠﻮﻩ ﻟﻠﻔﺮﻥ ﻳﺘﺤﻤﺮ
ﻛﻨﺴﻠﻘﻮ ﺍﻟﺰﻳﺘﻮﻥ ﻭﻧﺼﻔﻮﻩ ﻭ ﻧﺰﻳﺪﻭ ﻋﻠﻴﻪ ﻣﻐﺮﻓﺔ ﻣﻦ ﺍﻟﻤﺮﻕ ﻭ ﻧﺨﻠﻮﻩ ﻳﺸﺮﺏ ﻟﻴﻘﺎﻣﺔ ﻣﺰﻳﺎﻥ
ﻛﻨﺸﺤﺮﻭ ﺍﻟﻤﺮﻗﺔ ﻟﻴﺒﻘﺎﺕ ﻋﻠﻰ ﻧﺎﺭ ﻣﺘﻮﺳﻄﺔ ﻣﻊ ﺍﻟﺘﺤﺮﺍﻙ ﺣﺘﻲ ﺗﻮﻟﻲ ﻋﺎﻗﺪﺓ ,
ﻓﻲ ﺍﻷﺧﻴﺮ ﻛﻨﺤﻄﻮ ﺍﻟﺪﺟﺎﺝ ﻓﻲ ﻃﺒﻖ ﺍﻟﺘﻘﺪﻳﻢ ﻭ ﻧﺨﻮﻳﻮ ﺷﻮﻳﺔ ﺍﻟﻤﺮﻕ ﻭ ﻧﺰﻳﻨﻮ ﺑﺎﻟﺰﻳﺘﻮﻥ ﻭ ﻛﻞ ﻭﺍﺣﺪ ﻛﻴﺰﻳﻦ ﺣﺴﺐ ﺍﻟﺬﻭﻕ ﺩﻳﺎﻟﻮ
ﻭ ﺑﺎﻟﺼﺤﺔ ﻭﺍﻟﺮﺍﺣﺔ.
