كل شئ عن فقر الدم
#فقر_الدم
فقر الدم هو حالة الجسم مكيكونش قادر ينتج العدد الكافي من الكريات الحمراء... الي بدورها كتنقل الاكسيجين من الرئتين لباقي الاعضاء... ونقص في بروتين الهيموجلوبين هاد الاخير هو عبارة على بروتين غني بالحديد
#الأعراض :
العيا بزاف والسخفة.... ضربات القلب طالعين.... النعاس بزاف الالم في الصدر... الاكتئاب وتغير المزاج... ومع الوقت كيبدا الشعر يطيح والجناب ديال الفم واللسان كيبانو فيه تقرحات.... والاظافر كيبداو يتهرسوا.... البشرة كتولي شاحبة... ضيق التنفس... الايدين والرجلين كيوليوا ييبردوا... والانسان كيولي باغي ياكل شي حوايج لي علاقة بحال التراب ولا الدقيق ولا الجير....
#العلاج
فقر الدم فيه انواع كثيرة كاين... فقر الدم الي كيكون عبارة عن نقص الحديد وهذا الي كيتعطى فيه مكملات الحديد زائد تغيير في نظام الغذاء د المريض.... فقر الدم نقص الفيتامينات حمض الفوليك، وفيتامين ب-12... وكاين الي عنده صعوبة في الجهاز الهضمي.... كيكون مكيمصش الڤيتامين ب 12... فكيضطروا يدوزوهم ليه على شكل حقن يوميا ومن بعد كيولي مرة في الشهر... حالات عندها ارتباط بالنخاع العضمي.... مكيبقاش قادر ينتج الكريات الحمراء بالكمية المطلوبة.... العلاج غالبا كيكون كيميائي....
**فقر الدم الانحلالي... الي غالبا كيكون بسباب نوع من الادوية.... والعلاج كيكون عبارة عن مثبط للجهاز المناعي.. لانه يقدر يهاجم الكريات الحمراء.... والا كانت الحالة متقدمة المريض خاص ينقلوا ليه الدم....
**فقر الدم المنجلي... الكريات الحمراء كتولي على شكل منجل... ودغيا كتهرس وتموت.... مدة الحياة ديال هاد الكريات هي 120 يوم... ولكن فهاد الحالة كتموت في ظرف 10 ولا 20 يوم...
فقر الدم فحالة الإهمال كيتزاد و كيطور و يوصل لمراحل لي تيولي فيها الدوا حاجة ضرورية و الاهمال ديال المرض كيوصل لتضخم القلب و مكيبقاش يضرب عادي..
