وصفة صحراوية لزيادة الوزن تنقي المصران و تفتح الشهية
كبيداتي حبوباتي انا جبت لكم اللحسة الصحراوية 💯
ميمكنش متعمركش واخا تكون فيك الكوبرا ماشي غا سينتة هه كتنقي المصران و تفتح الشهية
ندوزو الوصفة❤️😍😘
ناخدو :
– 2 كيلو التمر عادي ماشي داك المعجن نزولولو العضم أنفوروه
– رابعة الجنجلان
– نصف كيلو زريعة الكتان
– رابعة ايلان
– رابعة كاوكاو
– رابعة اللوز
– نصف كيلو الصوجا
– 100 غ نافع
– 250غ الحلبة
– ليبغى يزيد فانيد أو سيرو ديال الشهية لمبغاش هدشي راه كافي
– كيلو من شحمة الجمل :الدروة
– كأس ونصف الزيت الزيتون (العود)
طريقة التحضير والاستعمال
نكليو الزرارع كامين في الفران أو فالمقلة منخليوهمش يتحمرو بزاف.
زريعة الكتان من الأفضل منكليوهاش تبقى خضرة ياكي و من بعد نطحنوهم مزيان مباشرة من فورو التمر نمعسوه بملعقة الخشب مزيان نضيف ليه الزرارع
نخلطو المكونات نزيدو الزيت نخلطو باش الزيت تندامج مع المكونات
نديب الشحمة نفرغها وهي سخونة فوق الخليط. وهدا لتيقولوليه الصحراويات العجنة أو اللحسة
نعمل منها كورات وتؤكل في الصباح و المساء .
حاجة أخرى الصحراويات تيشربو معاها الحسى هو طحين ديال الشعير وخاصو يكون جاري بالحليب هاد الحسى ضروري البنات 👌
👆ملاحظة البنات لي جاوها المقادير كثار دير نصف الكمية🤗
.
