البنات ليبغاو إصاوبو الخميرة البلدية وناجحة مئة بالمئة عن تجربة أنا خمرت قياس زوج زلايف دقيق القمح بنخالتو مع قبيصة ملح وعشرة دنصوصة الفول يابس وخلط بالما إجي مرخوف شوية وسدي عليها وخلي لها فين تطلع وخليها ربع إيام أنا جربت خبزة وحدة غير ربحة ولا دبحة من بعد زوج عجنات بدات كاتطلع ليا الخبز هادي المرة تانية أنا
عجنت بيها وطلعات لي الخبز غزال .
بالنسبة للطريقة باش تعجني :
كانهز كامل ديك الخميرة ونحطها فقصرية ونزيد عليها كاس دالما دافي ندوبها ونزول منها الفول ونردو لنفس القرعة ونخوي دقيق ونجمع مزيان ونقطع منها كورة ونسد عليها مع الفول للغد ليه ونرجع للعجينة نزيدها الملح وندلكها ونكرصها ونغطيها مزيااااااان باش تسخن ،أنا نهار الأول عجنتها بالليل وطيبتها فصباح وهادي ليهية المرة التانية عجنتها مع الخمسة وهاهي باقة سخونة الصراحة أول مرة فحياتي نجربها وطلعات طوب جربوها راه لها منافع لا تعد ولا تحصى .
دمتن في أمان الله ورعايته
بالنسبة للطريقة باش تعجني :
كانهز كامل ديك الخميرة ونحطها فقصرية ونزيد عليها كاس دالما دافي ندوبها ونزول منها الفول ونردو لنفس القرعة ونخوي دقيق ونجمع مزيان ونقطع منها كورة ونسد عليها مع الفول للغد ليه ونرجع للعجينة نزيدها الملح وندلكها ونكرصها ونغطيها مزيااااااان باش تسخن ،أنا نهار الأول عجنتها بالليل وطيبتها فصباح وهادي ليهية المرة التانية عجنتها مع الخمسة وهاهي باقة سخونة الصراحة أول مرة فحياتي نجربها وطلعات طوب جربوها راه لها منافع لا تعد ولا تحصى .
دمتن في أمان الله ورعايته