كريصات او قريشلات
نصف لتر حليب دافي نضيفو ليه خميرة فورية وحركيهم حتا تفاعل الخميرة وظيفي ليه سنيدة حسب الدوق ونصف كاس زين مع التحراك الدائم ونكهة حسب الاختيار إما ساشية فاني او قشور حامضة وقليل من الملح والدقيق حسب الخليط. ملاحظة متكونش العجينة قاسحة خاص تكون بحال جارية وضيفي في الاخير شوية د الزبدة باش تجمعيها فالاناء وخلي العجينة ترتاح غطيها بالسولوفان. نصف ساعة او عشرون دقيقة حتا يضاعف الحجم ديالها ومن بعد عاودي فرغي منها داك الهواء وبداي تكوري كويرات ودخلي فيهم الشكلاط فكل كويرة الا ماكاينش الشكلاط بلاش وحطيهم فالطاوة من بعد ما فرشتي داك بابي كويسون وخلي مسافة بيناتهم من بعد ما تسالي دهنيهم باصفر بيضة مخلطة مع قطرات الخل ورشي عليهم زنجلان ودخليهم الفران 280 درجة بالصحة والراحة وحتا ممكن ديرهم فالمول على شكل شهدة
