مبقيتش بغيت نسمع شي وحده كتقول شعري كيطيح شعري ناشف وجهي فيه قشور جسمي فيه شراطي حلول كامله بين يديكم نتوما 👂
✔شفتي شعرك كيطيح حكي 2 فصوص دتوم زيدي عليهم زيت الزيتون دفيهم شويه على نار مهيلة وشقي بيهم شعرك خاليه نهار كامل وغسليه ومتخافيش من ريحه اهم حاجة هوا شعرك يتعالج ريحه عتمشي👍👍
✔شعرك مقصف وناشف وباهت قبل متغسليه ديريلو ماسك طبيعي من دار بلا دوك ماسكات لي كيتباعو واجدين عامرين غير اضرار غسليه 2 مرات فأسبوع وقبل كل غسلة ديري ماسك
✔ماسك اول لي واعر للشعر هو بيض اهم عنصر فعلاج جميع مشاكل الشعر خودي بيض زيدي معاه قشرة بنان وزيت الزيتون وزيت كوك وزيت للوز حلو وطربيهم ديريهم فشعرك 2 ساعات او اكتر
✔ماسك تاني اهم حاجه فأي ماسك خاص يكون البيض زيدي عليه نص لفوكا وزيت الزيتون وكوك وللوز طحني كلشي خاليهم فشعرك 2 ساعات وأكتر
✔ماسك 3 زبدة دوبيها وشقي بيها شعرك
✔ماسك 4 شعرك مكيطوالش خودي 2 معالق سدر مطحون وماء بصلا وزيت زيتون كوك وللوز وشوية ماء دافي خلطيه كيرجع فحال حنة وشقي بيه شعرك خاليه
✔ماسك 5 ديري جيل الوي فيرى قسميها على جوج وداك جيل زيدي عليه زيت ودهني شعرك
✔عندك فراغات دهني زنجبيل طري قسميه على جوج حكي بلايص خاوين
✔بغيتي شعرك فيه ريحه زوينه طيبي قهوة وشلي بيها شعرك
✔ندوزو وجه وجهك مقشر ديري كوماج فيه معلقة قهوة معلقة سكر معلقة كوك وزيت الزيتون ودهني وجهك وديري مساج دائيري لمدة 10 دقايق وغادي تشوفي فرق نساي رؤس سوداء ديريه مرا فأسبوع
✔عندك حبوب فوجهك ديري معلقة كركم خرقوم بلدي نص حامضة معصرة وديريه فوجهك نص ساعة وغسليه
✔عندك تجاعيد ماشي ضروري يكونو خاصنا نعالجوهم قبل ميجيو ديري بياض بيض 2 مراة فأسبوع دهني وجهك بيه وخاليه 15 دقيقة وغسلي وجهك شاحت ديري نص ماطيشة وحكي بيه وجهك يرجع مورد
✔فمك مقشر ديري زبدة دهنيه بيها وخاليه
✔يدك مهلوكين قشريهم بقهوة وسكر وزيت الويتون ✔رجلك مشقين ديري كريمة كليسرين كل ليله لبسي تقاشر حتى صباح
✔عندك شراطي فصدرك او فأرداف او فكرش حكي ألوي فيرا قسميها على جوج حكي بيها كاع مناطق لي فيها شراطي الوي فيرى من احسن اشياء لي كتعالج
✔بغيتي تبيضي مناطق حساسة ديري نص صابونه دوف محكوكه كاس حليب 2 معالق نشا وغسول ابيض 2 معالق زيت كليسرين طبي طحني كلشي وخاليهوم فثلاجة بقاي دهني كل ليلة حتى صباح وغسلي باركة من عكز ونودي تهلاي فراسك باش لي شافك تعجبيه و ديما تكوني 5/5 هههه لي قرات تخلي 5 تعليق إلى حبيتي 😘😘 شي دعوة الخير معاكم الله يسر امركم...
#منقول