ﻟﺒﻨﺎﺕ ﻣﻦ ﺑﻌﺪ 4 ﺳﻨﻴﻦ ﺩﻳﺎﻝ ﺍﻟﻌﺸﺮﺓ ﻭ ﺍﻟﺤﺐ ﻭ ﺍﻟﺼﺒﺮ ﻣﻊ ﺷﺨﺺ ﻛﻨﺖ ﻣﻌﺘﺒﺮﺍﻩ ﺣﻴﺎﺗﻲ ﻭ ﻛﺎﻥ ﻳﻘﻮﻟﻴﺎ ﻏﻴﺠﻲ ﺍﻟﻨﻬﺎﺭ ﻭ ﺗﻜﻮﻧﻲ ﻓﻴﻪ ﺣﻼﻟﻲ ﺗﻘﺖ ﻓﻴﻪ ﻋﻄﻴﺘﻲ ﺃﻏﻠﻰ ﻣﺎ ﻛﺘﻤﻠﻚ ﺃﻱ ﺑﻨﺖ ﻋﻄﻴﺘﻮ ﺷﺮﻓﻲ ﻋﻄﻴﺘﻮ ﻗﻠﺒﻲ ﻋﻄﻴﺘﻮ ﺭﻭﺣﻲ ﻋﻄﻴﺘﻮ ﻛﻠﺸﻲ ﺑﻴﻦ ﻟﻴﻠﺔ ﻭ ﻧﻬﺎﺭ ﺗﺨﺮﺑﻘﺎﺕ ﻟﻴﺎ ﺣﻴﺎﺗﻲ ﻑ 28/03/2015 ﻣﻊ 3 ﺩﻳﺎﻝ ﺍﻟﻌﺸﻴﺔ ﺟﺎ ﻋﻨﺪﻱ ﻭ ﺃﻧﺎ ﻗﻠﺒﻲ ﺿﺎﺭﻧﻲ ﻭ ﺩﻧﻴﺎ ﻣﻀﻠﻤﺔ ﻑ ﻋﻴﻨﻴﺎ ﻭ ﺣﺎﺳﺔ ﺑﺮﺍﺳﻲ ﻣﺰﻳﺮ ﻋﻠﻴﺎ ﻗﺎﻟﻲ ﻫﺒﻄﻲ ﺑﻐﻴﺖ ﻧﺸﻮﻓﻚ ﺿﺮﻭﺭﻱ ﺃﻧﺎ ﺑﻤﺠﺮﺩ ﻣﺎ ﻛﻨﻜﻮﻥ ﻣﻌﺎﻩ ﻛﻨﻮﻟﻲ ﻭﺣﺪﺓ ﺃﺧﺮﻯ ﺑﺤﺎﻝ ﺷﻲ ﺣﻤﺎﻣﺔ ﻃﺎﻳﺮﺓ ﻓﺎﻟﺴﻤﺎ ﻣﺎ ﻋﻠﻴﻨﺎ ﻟﺒﺴﺖ ﻫﺒﻄﺖ ﻏﻲ ﻃﻠﻌﺖ ﻃﻤﻮﺑﻴﻞ ﺳﻠﻤﺖ ﻋﻠﻴﻪ ﻋﻨﻘﻨﻲ ﺗﻌﻨﻴﻘﺔ ﺧﺎﺭﺟﺔ ﻣﻦ ﺍﻟﻘﻠﺐ ﺑﺎﺵ ﻟﻴﺎ ﺭﺍﺳﻲ ﻭ ﺇﺩﻳﺎ ﺑﺰﻭﺝ ﻗﻠﺘﻠﻮ ﻣﺎﻟﻚ ﻗﺎﻟﻴﺎ ﻭﺍﻟﻮ ﻭ ﻛﻨﺸﻮﻑ ﻓﻴﺎ ﺑﺤﺎﻝ ﻋﻤﺮﻭ ﺷﺎﻓﻨﻲ ﺣﺘﻰ ﺃﻧﺎ ﺑﻘﻴﺖ ﺷﺤﺎﻝ ﻛﻨﺸﻮﻓﻴﻪ ﻭ ﻫﻮ ﻳﻘﻮﻟﻴﺎ ﻧﺘﻲ ﺑﻨﺖ ﺍﻟﻨﺎﺱ ﻭ ﺭﺑﻲ ﻏﻴﻌﺪﺑﻨﻲ ﻣﻦ ﺟﻴﻬﺘﻚ ﻭﺍﺵ ﻏﻴﺠﻲ ﺷﻲ ﻧﻬﺎﺭ ﻭ ﺗﺴﻤﺤﻲ ﻟﻴﺎ ﻗﻠﺖ ﻟﻴﻪ ﻗﻮﻟﻴﺎ ﻣﺎﻟﻚ ﺭﺍﻙ ﺷﻮﺷﺘﻴﻨﻲ ﻣﺎ ﺑﻐﺎ ﻳﻘﻮﻟﻴﺎ ﻭﺍﻟﻮ ﻑ ﺩﺍﻙ ﻧﻬﺎﺭ ﺣﺴﻴﺖ ﺑﺤﺐ ﺩﻧﻴﺎ ﻛﻴﻜﻨﻮ ﻟﻴﺎ ﻭﺻﻼﺕ 9 ﺩ ﻟﻴﻞ ﻭﺻﻠﻨﻲ ﺣﺪﺍ ﺩﺍﺭﻧﺎ ﻭ ﻫﻮ ﻳﻘﻮﻟﻴﺎ ﻛﻠﻤﺔ ﺑﺎﻗﺔ ﺍﻟﺪﺍﺑﺎ ﻛﻨﺴﻤﻌﻬﺎ ﻑ ﻭﺩﻧﻴﺎ ﻛﺘﻌﺎﻭﺩ ﻧﺴﺎﻳﻨﻲ ﻭ ﻛﻨﺘﻤﻨﻰ ﺍﻟﻤﻮﺕ ﺣﻴﺖ ﻋﺎﺭﻑ ﺭﺍﺳﻲ ﻣﺎﺷﻲ ﺭﺍﺟﻞ ﺃﻧﺎ ﺗﺼﺪﻣﺖ ﻗﻠﺘﻠﻮ ﻛﻴﻔﺎﺵ ﻭﺍﺵ ﻛﻀﺤﻚ ﻣﻌﺎﻳﺎ ﻣﺎ ﺟﺎﻭﺑﻨﻴﺶ ﻭ ﻣﺸﺎ ﻋﻴﻴﺖ ﻧﻌﻴﻂ ﻣﺎ ﻛﻴﺠﺎﻭﺑﻨﻴﺶ ﻋﻴﻴﺖ ﻧﺼﻴﻔﻂ ﻣﻴﺴﺎﺟﺎﺕ ﻭ ﻭﺍﻟﻮ ﺑﻠﻮﻛﺎﻧﻲ ﻣﻦ ﻛﻠﺸﻲ ﺩﺍﺯ ﺍﻟﺠﻤﻌﺔ ﻭ ﺍﻟﺴﺒﺖ ﻭ ﺍﻷﺣﺪ ﻧﻬﺎﺭ ﺁﺗﻨﻴﻦ ﻓﻘﺖ ﻭ ﻗﻠﺖ ﻏﻨﻤﺸﻲ ﻟﻴﻪ ﺍﻟﺪﺍﺭﻫﻢ ﺩﺍﻛﺸﻲ ﻟﻲ ﺩﺭﺕ ﻣﻊ 10 ﺩﻳﺎﻝ ﺍﻟﺼﺒﺎﺡ ﻭﻗﻔﺖ ﺣﺪﺍ ﺩﺍﺭﻫﻢ ﻛﻨﺪﻕ ﻣﺎ ﺧﺮﺝ ﻋﻨﺪﻱ ﺗﺎ ﻭﺍﺣﺪ ﻏﺎﺩﻱ ﻳﺒﺎﻥ ﻟﻴﺎ ﻏﻲ ﻭﺍﺣﺪ ﻭﻟﺪ ﺩﺭﺑﻬﻢ ﻛﻴﻌﺮﻓﻨﻲ ﻣﻌﺎﻩ ﻋﻴﻄﺖ ﻟﻴﻪ ﻗﻠﺖ ﻟﻴﻪ ﺧﻮﻳﺎ ﺳﻴﻤﻮ ﻭﺍﺵ ﺩﺍﺭ ﻧﺒﻴﻞ ﻣﺎ ﻛﻴﻨﻴﻨﺶ ﻗﺎﻟﻴﺎ ﻭﺍﺵ ﺃ ﺧﺘﻲ ﻫﺎﻱ ﻣﺎ ﻓﺮﺍﺳﻚ ﻭﺍﻟﻮ ﻗﻠﺖ ﻟﻴﻪ ﻻ ﺃ ﺧﻮﻳﺎ ﺃﺵ ﻭﺍﻗﻊ ﻗﺎﻟﻴﺎ ﺭﺍ ﺳﺒﺖ ﻛﺎﻥ ﻋﺮﺳﻮ ﻑ ﺃﻏﺎﺩﻳﺮ ﺭﺍ ﺑﺎﻗﻲ ﻣﺎ ﺟﺎﻭ ﺩﺍﺭﻫﻢ ﻭ ﻫﻮ ﻳﻮﺭﻳﻨﻲ ﺗﺼﻮﻳﺮﺗﻮ ﻣﻌﺎﻫﺎ ﻭ ﻣﻊ ﻣﻮ ﻋﺮﻓﺘﻮ ﺃ ﺍﻟﺒﻨﺎﺕ ﺑﻘﻴﺖ ﻛﻨﻀﺤﻚ ﺑﺠﻬﺪ ﺩﺭﻱ ﻣﺎ ﻓﻬﻢ ﻭﺍﻟﻮ ﺧﻠﻴﺘﻮ ﻭﻏﺎﺩﺓ ﻓﻄﺮﻳﻖ ﻛﻨﻀﺤﻚ ﻭ ﺻﻠﺖ ﺍﻟﺸﺎﻧﻄﻲ ﻏﺎﺩﺓ ﻭﺳﻂ ﺍﻟﺸﺎﻧﻄﻲ ﻭ ﻛﻨﻤﻮﺕ ﺑﺎﻟﻀﺤﻚ ﺗﺼﻮﺭﻭ ﻋﻠﻰ ﺭﺟﻠﻴﺎ ﻏﺎﺩﺓ ﻣﻦ ﺩﺭﺏ ﻏﻠﻒ ﺍﻟﺒﻮﺭﻛﻮﻥ ﻭ ﺃﻧﺎ ﻛﻨﻀﺤﻚ ﻭﺻﻠﺖ ﻟﺪﺭﺑﻨﺎ ﻛﻠﺸﻲ ﻛﻴﺸﻮﻑ ﻓﻴﺎ ﻭ ﺃﻧﺎ ﻛﻨﻀﺤﻚ ﻃﻠﻌﺖ ﺍﻟﺪﺍﺭ ﻛﻴﺤﺴﺎﺑﻠﻴﻬﻢ ﻭﺍﻛﻠﺔ ﺷﻲ ﺣﺎﺟﺔ ﻣﻦ ﻏﻴﺮ ﺍﻟﺨﺒﺰ ﻫﺰﻭﻧﻲ ﺩﺍﻭﻧﻲ ﻛﻠﻴﻨﻴﻚ ﻗﺎﻟﻮ ﻟﻴﻬﻢ ﻋﻨﺪﻫﺎ ﺻﺪﻣﺔ ﺧﺎﺻﻬﺎ ﻣﻬﺪﺋﺎﺕ ﺩﺍﺑﺎ ﻭ ﺧﺎﺻﻬﺎ ﺗﺮﺗﺎﺡ ﻣﻬﻢ ﺷﺪﻭﻧﻲ ﻋﻤﺮﻭﻧﻲ ﺑﺮﺍﻭﺍﺕ ﻣﻦ ﺑﻌﺪ ﺻﻴﻔﻄﻮﻧﺎ ﻛﻠﻴﻨﻴﻚ ﺩﻳﺎﻝ ﺍﻷﻣﺮﺍﺽ ﺍﻟﻌﻘﻠﻴﺔ 12 ﺃﻳﺎﻡ ﻭ ﻫﻤﺎ ﺷﺎﺩﻳﻨﻲ ﻣﺎ ﻛﺎﻧﺎﻛﻞ ﻣﺎ ﻛﻨﺸﺮﺏ ﻏﻲ ﻣﻠﻲ ﻛﻴﻔﻮﺗﻨﻲ ﺗﺄﺗﻴﺮ ﺍﻟﺒﺮﺍ ﻛﻨﺒﺪﻯ ﻧﻐﻮﺕ ﺑﺴﻤﻴﺘﻮ ﺣﺘﻰ ﻛﻴﺠﻴﻮ ﻳﺪﻗﻮ ﻟﻴﺎ ﺑﺮﺍ ﺃﺧﺮﺓ ﺑﻌﺪﺕ ﻋﻠﻰ ﻛﻠﺸﻲ ﺁﻧﻌﺰﻟﺖ ﻑ ﻋﺎﻟﻢ ﺩﻳﺎﻟﻲ ﺑﻮﺣﺪﻱ ﺧﺮﺟﺖ ﻣﻦ ﻛﻠﻴﻨﻴﻚ...
منقووووووول قصة حقيقية...
يتبع 👇👇👇
😂😂😂😂 التفاااااعل ونلوح الجزء ٢ يلااااااه وقولولي واش تبغيو لايف اطحااااااب 🙄🙄🙄✅✅✅