انا فعمري 26 عام تزوجت زواج تقليدي ودرت نيتي مور شهر دالزواج راجلي مابقاش تايقرب ليا الا مرة فشحال وماتايعبرنيش والى مشيت لدارنا مايسولش ومايجيش مورايا حتى نعيطلو وقولو اجي ديني واحنا عايشين فدار كبيرة فيها انا وراجلي وخوه ومرتو وولادهم ويني خوه خدام فالصحرا مهم واحد مرة مشيت لدارنا وقطعت شعري وصبغتو مشيت الحمام وسكسفت على الحالة شوميز دو نوي جديد وجيت لداري العشية كلها وانا نتحلون على راجلي والو مادارش لجيهتي قلبت وجهي ونعست دازت واحد الساعة ضرباتني الفيقة ضرت مالقيتش راجلي نضت كانقلب فالدار لقيتو مع امراة خوه تايتباوسو ويتمحكو طرت بالشوية جبت تلفون ودرتلهم فيديو رجعت لبلاصتي وبقيت نفكر اش ندير؛
ايوا بديت من الغد الحاجة الغالية فالدار نرحلها للدارنا حوايجي دهبي وهو ولا هنا مامعبرنيش مشيت قلتلو شوف را خويا قسم شي ورت وجاتني فحقي5 المليون بيع طوموبيلتك ونزيدو عليها البركة للي عندي وناخدو وحدة احسن قالي واخا دارت يوماين باع طوموبيل جاب الفلوس وخباهم فالماريو فلليل مشيت عند مرت لوسي قلت لها سلفيني دهبك را عندي عرس ولد عمي ودوك التكاشط ديالك ديالي قدامو
ايوا فقت فالصباح بكري جمعت الدهب والفلوس وعيط لخويا جا داني من حدا الدار فاقو عيط ليا فينك قلتلو انرسلك شي حاجة فواتساب وشوفها انت وفلانة رسلت لو الفيديو وقلتلو دابا ورقة طلاقي توصلني بلا ما نتجاراو فالمحاكم ولا راك عارف وقطعت ايوا يا الموشاهدين طلعت بتجربة زواج فاشلة ودهاز و 4 مليون دالدهب و 7 مليون كاش واش ضلمتهم؟؟؟؟؟
أش بان ليكم ؟؟