بزاف ديال الناس كيطرا ليهم هادشي اللي فالصورة اللي هو إلتواء على مستوى الكاحل.
هنا واخا تمشي عند الطبيب ويعطيك الدواء راه غير باش متبقاش تحس بالألم ومن بعد مرور الوقت غادي تحس بالألم رجع وهاد المفصل كيصلحو ليه جوج ديال الأمور.:
الأمر الأول هو الراحة.
والأمر الثاني ما يطلق عليه بالفرنسية (le choc thermique) أو الصدمة الحرارية وهي مفاجأة الجسم بدرجة حرارة منخفضة أو مرتفعة ، وهي كالتالي
كنشدو جوج بانيوات أو سطولا واحد كنديرو فيه الماء بارد ( شديد البرودة) والثاني كنديرو فيه الماء ساخن ميكونش سخون بزاف باش ميحرقناش ولكن يكون سخون.
كنخشيو الرجل في الماء الساخن أولا ونخليوها لمدة دقيقة على الأقل حتى تستريح أعصاب الكاحل وتتمدد العضلة ومن ثم كنحولو رجلينا بسرعة للبانيو الثاني اللي في الماء البارد وهنا كتحدث صدمة حرارية على مستوى العضلة وكتبدى كل عضلة تقلص ترجع للمكان ديالها وتشد بلاصتها وكنعاودو نرجعو الرجل للماء الساخن ثم الماء البارد لعشر مرات على الأقل ثم كنشفو رجلينا ونديرو ليها لانكول ، هاد العملية كنقومو بيها مرتين كل يوم منلي تفيق فالصباح وقبل متنعس بالليل وإن شاء الله غادي تحسن فمدة أسبوع أو أقل والله يحفظ الجميع...